Oakdale Landbouskool High School is located in Riversdale. Elke leerder, ouer en personeellid van die Hoër Landbouskool Oakdale se optrede, houding en gedrag moet altyd onberispelik wees en aan die skool se gedragskode voldoen. Hier word sterk karakter, gegrond op n Christelike waardestruktuur, gebou.

Oakdalers staan uit deur hul unieke optrede. Hier word klem gelê op die klein dingetjies soos groet, respek teenoor volwassenes, netheid, trots en ambassadeurskap. By toelating aanvaar leerder unieke lewensstandaard eie aan Oakdale.

Die skooldag is beplan om die maksimum beskikbare tyd aan onderrig te bestee. Laatkommery veroorsaak ongewenste ontwrigting van die onderrigproses, sowel as ander skoolaktiwiteite. Gevolglik moet leerders altyd op die bestemde tyd aan die begin van die skooldag en by die aanvang van enige ander skoolaktiwiteit opdaag. Wanneer n leerder laat is, moet hy n skriftelike verskoning van sy ouers of die superintendent verskaf.