Hoërskool Centurion staan bekend as die skool van uitnemendheid – of dit nou verwys na top akademiese personeel of leerders se akademiese prestasies wat wye erkenning kry.

Die personeel is betrokke by verskeie akademiese liggame en ons leerders kry wyd erkenning in publikasies, kunswedstryde en in die koerante met ons gr. 12-uitslae.

Hoërskool Centurion het selfs ‘n Ultimum Ludum trofee vir die leerders wat deur die jaar die beste akademies verbeter het.

Omdat ons ‘n familieskool is, is ons klasse kleiner en kry leerders beslis meer kontaktyd met personeel. U kind en sy / haar akademiese vordering is ons eerste prioriteit.

Ons het ook ‘n sterk tegniese been by die skool met vakke soos Tegniese Wiskunde, Tegniese Wetenskappe, Meganiese Tegnologie, Elektriese Tegnologie en Ingenieursgrafika en -Ontwerp.

Hoërskool Centurion se akademiese program het vir elke kind ‘n plekkie onder die son. Word deel van die Woerie-golf.